Nën parullën “bukë, paqe, liri”, më 10 dhjetor 1943 komanda e Batalionit “Perlat Rexhepi”, njoftonte shokët e Zonës së Parë Operative, Vlorë-Gjirokastër, për rekuizimin e pasurisë së Sadik Shaskës. Duke mos u marrë me pula, por me pesha të rënda, midis të tjerash, në letër thuhej se për shokët partizanë ishte siguruar ky ushqim:
“Neve duke parë që operacioni armik ishte në Qafën e Luadhit, e deri në Armen, atëherë bëmë tërheqjen, rekuizuam 400 kokë bagëti, 36 krerë lopë, qe, kecër. Batalioni është në malin e Shkozës në shtëpinë e Mahmut Imerit. Presim udhëzime në qoftë se komanda e shtabit mendon t’i sulmojmë fuqitë armike. Mendojmë që është mirë të përqendrohet një fuqi prej këtej. Presim udhëzime nga ajo komandë”.
