Në Gjermani ka hyrë në fuqi rregullorja e re, sipas së cilës përcaktohet detyrimi për vendosjen e kryqit në institucionet publike në shtetin gjerman të Bavarisë, raporton Anadolu Agency (AA).

Në këtë rregullore thuhet se në pjesët hyrëse të institucioneve publike në këtë shtet duhet të varet kryqi. Zbatimi nuk përfshin institucionet e qeverisë federale.

Vendim i qeverisë së shtetit Gjerman kishte shkaktuar reagime të shumta në mbarë vendin.

Kryeministri i Shtetit të Bavarisë nga Partia Unioni Kristian-Social (CSU), Markus Söder, duke pohuar se kryqi përtej një simboli fetar është “vula kulturore” e shtetit të Bavarisë, kishte theksuar se “Kryqi nuk është një simbol që i përket një feje”.

Opozita në Gjermani i kishte bërë thirrje Södeer që të kthehet vendimi.

Ministri i Brendshëm i Gjermanisë dhe Kryetari i Përgjithshëm i CSU, Horst Seehofer, më parë ka deklaruar se “Islami nuk i përket Gjermanisë”, duke shkaktuar reagime nga kancelarja gjermane Angela Merkel, e cila ka kritikuar këtë deklaratë duke thënë se edhe muslimanët dhe feja e tyre Islami i përkasin Gjermanisë.