Greqia hap plazhet nën masa të forta sigurie anti COVID-19

E Enjte, 14 May 2020 11:47

Plazhet e organizuara në Greqi do të rihapen të shtunën, më 16 maj, njoftuan autoritetet, pas të dhënave për COVID-19 dhe atyre meteorologjike, duke përfshirë dhe rekomandimin e Komitetit të Sëmundjeve Infektive në Ministrinë greke të Shëndetësisë.

Bizneset në plazhe, që marrin çadra dielli dhe shezlonë me qira, do të hapen të shtunën nga ora 08:00, por nën disa kufizime.
Këtu përfshihet regjistrimi e numrit të pushuesve të pranishëm, maksimumi 40 persona për 1 000 metra katrorë, distancë prej katër merash ndërmjet çadrave dhe kufizime në numrin e shezlonëve për çadër, dy të tillë, përveç familjeve me fëmjë.

Pushuesit do të jenë të detyruar të shtrihen mbi peshqirë.

Bizneset do të shesin vetëm produkte të paketuara, ndërsa stendat e pijeve freskuese, kafenetë dhe biznese të ngjashme, do të funksionojnë duke e përgatitur pijen për ta marrë me vete.

Shitja e pijeve alkoolike është e ndaluar dhe nuk do të lejohet shpërndarja e tyre në këtë zonë.

Konsumatorët duhet të mbajnë një distancë prej 1,5 metrash nga njëri tjetri gjatë porositjes për ushqim ose pije.

Gjithashtu janë të ndaluara të gjitha sportet e kontaktit në grup.

Shpjegimi i policisë

Policia Greke (ELAS), sqaroi se patrullimi në rritje nuk do të thotë monitorim i publikut mbi kufizimet e koronavirusit.

Duke iu përgjigjur akuzave se policia do të monitorojë plazhet dhe sheshet gjatë fundjavës, zëdhënësi i ELAS, Theodoros Chronopoulos theksoi se prania e policisë lidhet vetëm me parandalimin dhe luftën e krimit, ndërsa respektimi i kufizimeve është përgjegjësi e publikut.

“Bashkatdhetarët tanë janë sjellë në një mënyrë model dhe policia greke nuk po kontrollon aktivitetet e qytetarëve. Qoftë në sheshe apo plazhe, përgjegjësia e vetme e policisë është të parandalojë dhe luftojë krimin. Në lidhje me COVID-19, ajo bashkëpunon dhe vepron në mënyrë mbështetëse dhe këshilluese, kurdo që të jetë e nevojshme”, shtoi ai.

Login to post comments

Lajmet e fundit

Mbrëmje e madhe në Champions/ Bayern-Arsenal dhe City-Real, gjithçka e hapur për në gjysmëfinale

Sport

Mbrëmje e madhe në Champions/ Bayern-Arsenal dhe City-Real, gjithçka e hapur për në gjysmëfinale

Sonte në mbrëmje do të mësohen dy “biletat” e tjera gjysmëfinale të Champions-it.   Në orën 21:00 do të luhen Manchester City-Real Madrid dhe Bayern Munchen-Arsenal. Manchester City duket disi më favorit pas...

Nderimi i Patti Smith-it për Dua Lipën

Show-biz

Nderimi i Patti Smith-it për Dua Lipën

Tre vjet pas pasi filloi të publikohet lista me 100 pionierët revolucionar të revistës TIME në fusha të ndryshme të jetës, Dua Lipa zbukuron kopertinën e saj të re si një nga njerëzit më...

“Markat, ndikimi kryesisht nga Perëndimi”

Media

“Markat, ndikimi kryesisht nga Perëndimi”

Flet Era Xhabafti, zv.menaxhere e përgjithshme e kompanisë “Mini Invest Albania”   Ndonëse pandemia ka ndikuar në kërkesën për më shumë komoditet, kërkesat janë që edhe rehatia të jetë me marka. Kështu shprehet...