Një ish- studente e Fakultetit të Arteve në Kosovë, ka treguar përsëri për ngacmimin seksual që i  është bërë nga profesori i saj gjatë kohës që studionte në këtë fakultet.

Dy vite më parë, ajo ka kërkuar drejtësinë për ngacmimin seksual nga ana e pedagogut por mesa duket asnjë masë nuk është marrë dhe ai ka vazhduar të ushtrojë profesionin e tij.

Sot gjatë një aksioni simbolik të organizuar nga studentët dhe qytetarët para rektoratit të Prishtinës, ku kanë kërkuar shkarkimin nga puna të rektorit Marjan Dema, ish-studentja ka rrëfyer sërish historinë -raportojnë mediat kosovare.