Ky është horoskopi për ditën e hënë, 30 korrik 2018 që Gazeta Metro sjell për ju. Njihuni me parashikimin për punën, shëndetin dhe ndjenjat, si do të ecë dita për të lindurit e çdo shenje.

Dashi

Ky është momenti më i mirë për të shfaqur të gjithë talentin tuaj dhe për të treguar se sa vleni. Duhet të jeni kurajoz dhe të gatshëm për gjithçka, pasi intuita juaj do të rezultojë fituese sa i takon çështjeve të biznesit.

Demi

Është duke u mbyllur një muaj i cili ju ka parë konfuzë dhe mjaft të lodhur. Parashikohet një rikuperim shumë i mirë, si nga pikëpamja fizike edhe ajo sentimentale, por megjithatë duhet të jeni shumë të kujdesshëm në mënyrë që të shmangni polemikat e kota.

Binjakët

Nis një javë e rëndësishme, e cila parashikon rinovime të rëndësishme për karrierën tuaj aktuale. Tashmë mund të nisni planifikimin e një udhëtimi romantik. Parashikohen marrëveshje të mira.

Gaforrja

Distanca me partnerin së fundmi ju ka krijuar jo pak probleme, ndaj gjatë kësaj të hëne këshillohet që të favorizoni më shumë dialogun. Në vendin e punës duhet të shfaqni më shumë besim sa i takon ballafaqimeve me bashkëpunëtorët. Janë fare pranë konfirmime pozitive.

Luani

Shkëndija dhe rikthimi i dashurisë është shumë i mundur gjatë kësaj dite, kjo edhe për shkak të rigjetjes së sigurisë në veten tuaj. Jini të gatshëm për të përballuar një fazë mjaft intriguese, e cila do ju lejojë që të vlerësoni sa më mirë ndjenjat tuaja.

Virgjëresha

Këshillohet që të bëni kujdes me shpenzimet, pasi në këtë moment duhet të përcaktoni qartë prioritetet tuaja, në favor të disa ndryshimeve në familje ose në dashuri. Në mbrëmje parashikohen momente me tensione, por shmangni përfshirjen në debate shumë të ndezura.

Peshorja

Kjo është një ditë disi e turbullt, ndaj duhet të ruani sa më shumë të mundeni ekuilibrin e duhur. Do të jeni të detyruar që të mendoheni lidhur me diskutimet që keni patur me të afërmit apo bashkëpunëtorët tuaj. Avantazhet janë fare pranë.

Akrepi

Do të dini të jeni shumë vendimtarë në raport me të tjerët dhe kjo gjë do ju lejojë që të rrethoheni nga aleatë të vlefshëm, sidomos nëse jeni në prag të nisjes së një projekti të ri. Këshillohet që të jeni luftarak, pasi parashikohen sfida të reja stimuluese për karrierën. Në mbrëmje do të shijoni momente relaksi dhe dashurie.

Shigjetari

Ka disa çështje të cilat i keni lënë pas dore dhe tashmë duhet të mundoheni që të vini në zbatim intuitën tuaj, në mënyrë që të arrini rezultatet e shpresuara. Në dashuri mos u dekurajoni, pasi parashikohen konfirmime të cilat i prisnit prej kohësh.

Bricjapi

Duhet të mundoheni që të favorizoni më shumë bashkëpunimin me kolegët tuaj, në mënyrë që të përmirësoni ritmin tuaj të punës. Në dashuri do të ndiheni disi të lënë pas dore, ndaj bëni kujdes.

Ujori

Në këtë moment dashuria ju bën të fortë dhe karizmatik dhe kjo pasi më në fund keni arritur të gjeni stabilitetin që kërkonit prej kohësh. Por para se të merrni vendime të rëndësishme në vendin e punës, merrni pak më shumë kohë për t’u përgatitur siç duhet.

Peshqit

Është një ditë e rëndësishme për të vendosur me saktësi disa prioritete tuajat. Po përjetoni një fazë të rëndësishme transformimi, e cila do ju bëjë më të pjekur dhe të vetëdijshëm për kapacitetin tuaj. Kjo e hënë sjell fitore të mëdha në vendin e punës.