Të gjithë kanë dëgjuar për uthullën e mollës, por jo të gjithë i dinë benefitet e saj dhe sa shumë mund t`ju ndihmojë në rutinën e bukurisë. Ajo ka përdorime të ndryshme që lidhen me humbjen e peshës, sheqerin e gjakut, djegien e kalorive etj. Por benefitet e saj janë të shumta edhe për sa i përket lëkurës.

Pickimet nga insektet

Nëse keni kruarje dhe dhimbje për shkak të një picikimi nga ndonjë insekt, thjesht aplikoni pak uthull molle në vendin e irrituar. Acidi i saj do të zhdukë kruarjen dhe plaga do të shërohet shumë shpejt. Vetëm sigurohuni që uthullën ta përzieni me ujë në raportin 50:50.

Tonik

Po shpenzoni sasi të mëdha parash për tonikë që nuk e dini as çfarë përbërësish kanë? Tani tonikun tuaj të shtrenjtë mund ta zëvendësoni me uthullën e mollës. Kini parasysh që gjithmonë uthullën ta përzieni me ujë në raportin 50:50 dhe nëse iu bezdis era e saj mund të shtoni edhe pak nga vaji juaj esencial i preferuar. Ky tonik do të përmirësojë tonin e lëkurës, do të balancojë pH, si dhe do të luftojë aknet.

Djegia nga dielli

Vera është duke ardhur dhe djegies nga dielli nuk i shmangemi dot. Në këtë rast uthulla e mollës mund t`ju hyjë shumë në punë. Shumë mendojnë se aplikimi i saj në vendet e djegur nga dielli do ta përkeqësojë situatën, por në fakt nuk është kështu. Uthulla balancon pH e lëkurës dhe kjo bën që djegia të shërohet më shpejtë. Vetëm duhet pasur parasysh që uthulla të përzihet me shumë ujë, në mënyrë që locioni mos të ketë përqëndrim shumë të lartë.

Lufton aknet

Acidi malik që përmban uthulla e mollës ka aftësi antibakteriale, antifungale dhe antivirale. Përveç luftës së akneve ekzistuese dhe ndihmës që i jep lëkurës për t`u shëruar, uthulla do të parandalojë daljen e akneve të reja dhe do ta mbajë lëkurën të pastër.

Shenjat e moshës

Uthulla e mollës përmban acid alpha-hydroxy, që është një prej përbërësve kryesorë në produktet e lëkurës. Kjo e ndihmon lëkurën të ripërtërihet dhe të qëndrojë e freskët. Për të lufutar rrudhat përzierjen e uthullës dhe ujit aplikojeni me një tampon pambuku dhe lëreni fytyrën ta përthithë. Fillimisht lëreni 2-3 minuta për të parë se si reagon fytyra juaj, nëse reagon mirë mund ta lini edhe më gjatë. /class/