Nga Luciano Boci
Këtë fundjavë kryeministri ynë zgjodhi të luajë rrufjanin. Vendosi të bëjë publicitetin e propagandës së vet!?
E paparë dhe e padëgjuar kjo.
Na e ngriti në qiell me demek këtë “bashkëqeverisjen”.
D.m.th “bashkëqeverisjen” me ato të cilëve u ka lënë në kurriz hallet.
Se bashkqeverisjen me ato që ndan lekët, dihet që e bën me krimin.
Na e paraqiti platformën e vet si “mekën” e magjishme, që kush e prek, gjen prehjen e kërkuar.
Na qenkan regjistruar aty, sipas K/M-it, rreth 9.500 qytetare dhe janë zgjidhur rreth 14.000 halle.
E K/M-i ynë është shumë i gëzuar!
Është shumë i gëzuar, sepse në Shqipëri na paska më shumë halle e probleme me shtetin, se sa qytetarë.
E thotë vetë K/M-i, me shumë krenari madje.
Po pak me ngadalë o zoti K/M!
Me ngadalë!
Se dhe kjo zgjidhja jote që ofron tek ky portali, e ka një bisht nga prapa.
Jo më larg se dje të tregova si i përqeshni ju mësuesit nëpërmjet platformës, duke ju thënë atyre se ne nuk ju japim lekët e transportit, pasi ato jua kanë marrë me gjyqe kolegët e larguar padrejtësisht!?
Kjo pra është zgjidhja që ti ofron tek ky portali i famshëm, apo platforma, quaje si të duash. Kjo. E shëmtuar dhe cinike.
Kështu ke bërë në përgjithësi dhe më tërë ato 14.000 halle e probleme.
Kam dhe një gjë “fare të vogël”.
Ca pyetje modeste dmth, pa të prishur pushimet!
-Po mirë, që ti tallesh me zgjidhjet, kjo dihet, por hallet dhe problemet me mijëra e pse jo miliona, kush i shkakton xhanëm?!
-Është paaftësia e qeverisjes tënde, apo aftësia jote për të grabitur me ligje, apo-apo fajin e ka mileti?!
-Korrupsioni yt apo “ndershmëria” e ndërkombëtarëve?!
-Është babëzia kriminale e kabinetit tënd qesharak, apo janë “sukseset madhështore” të reformave, a mos vallë e ka fajin “sinqeriteti” që buron nga hashashi?
-E ka fajin opozita sipas teje, apo vetë shqiptarët që “çajnë ferrën” nga lumturia që ke mbjellë ti?
Hë pra, këtë më thuaj!
Mos bëj rrufjanin, i cili vetë i mbush deri në fyt njerëzit me halle e më pas luan rolin e “burrit të mirë”, duke ia qarë ato, se për zgjidhje.... do presim.... hapjen e negociatave...alias, qethjen e viçave - thotë populli.
Deri atëhere, të na rrojë p...ortali!!!!!
