Nga Lindita Metaliaj/ 

Shqipëria ka rrëshqitur në një situatë që askush nuk e kishte menduar dhe dëshiruar. Shteti që ka për detyrë të mbrojë njerëzit, mbron përdhunimet dhe dhunën mbi njerëzit. Investohet e gjithë makina shtetërore për të mbrojtur krimin dhe manipuluar njerëzit në lidhje me të vërtetën mbi atë krim.
Shteti arrin te dhunoje fëmijët në Mengel; ku është parë të rrethohen fëmijët me polici?! Kjo është e papranueshme për një vend demokratik por, është normale për bijtë e Bllokut të cilët internuan mijëra fëmijë në kampet e Tepelenës e të Lushnjës.
Ky shtet është besnik i parimeve të diktaturës.
A e meritojnë shqiptarët ketë trajtim? Jo, nuk e meritojnë. Jo çdo herë populli meriton qeverinë që ka, sidomos në vende si Shqipëria ku qeveria "Rama" mbahet në këmbë përmes kontrollit dhe dhunës mbi popullin. Populli shqiptar duhet të ndihmohet për të shpëtuar nga kjo bandokraci e cila nuk po njeh kufij.
Paligjshmërinë do ta luftojmë me ilaçin e saj; me ligjshmërinë, amoralitetin me moral, grabitjen e shfrenuar të parave me mire menaxhim, arrogancën dhe dhunën, me respekt për liritë e të drejtat.
Kjo është e vetmja zgjidhje.