‘Shteti shqiptar në një gropë financiare’, Nishani: Përse jemi më keq se viti 1997

E mërkurë, 17 June 2020 10:55

 

Ish-Presidenti Bujar Nishani deklaron se situata në Shqipëri është më e keqe se në vitin 1997. I ftuar në emisionin HARD TALK NGA ROLAND QAFOKU, Nishani dha edhe arsyet përse vendi është në këtë situatë.

-Të gjithë duam që të bëhen hapa përpara por në fakt në këto momente Shqipëria ka bërë shumë hapa mbrapa në drejtim të demokracisë. A do jenë zgjedhjet e vitit 2021 ato për të cilat ne kemi pritshmëri?
-Unë bie plotësisht dakord me ju në këndvështrimin që e targetoni 2021 si një gur kilometrik, si një moment i cili duhet të sjellë një tronditje të fortë në sistemin tonë shoqëror. Dhe kur them në sistemin shoqëror, kam parasysh të gjithë aspektet e këtij sistemi. Duke nisur te sistemi politik i cili është ai që ndikon në gjithë piramidën shoqërore dhe në gjithë komponentët e shoqërisë sonë. Dhe kjo ka një arsye, që ju me të drejtë e fokusoni kët ësi një moment të rëndëishëm, për faktin që përtej keqardhjes që na duhet të paraqitemi si pesimistë por nuk është thelbi paraqitja, por është realiteti ynë i cili na duhet ta themi, që Shqipëria ndodhet sot në momentin më delikat të 30 viteve të fundit. I referohem 30 viteve duke pasur parasysh mundësitë që janë dhënë Shqipërisë dhe shqiptarëve në këto 30 vite të fundit.
-Edhe se 1997?

-Edhe se ’97. Pse e them këtë? Shteti shqiptar është pothuajse i pamundur të veprojë në të gjitha aspektet e veta. Ne kemi një sistem politik nga pikëpamja e vendimmarrjes pothuajse monopartiak. Legjislativi, ekzekutivi, mungon tërësisht mekanizmi i kontrollit të pavarur mbi këto dy pushtete. Ekonomia është në një krizë më të thellë sesa ajo e ’97 për faktin se atëherë kishim një borxh të madh individual, të familjeve, i cili në raport me zhvillimet shoqërore mundi të rikuperohet, sot shteti shqiptar është futur në një gropë financiare e cila do të dojë jo vetëm sakrifica por edhe një periudhë e cila nuk parashikohjet sot sesa mund të jetë për tu rimëkëmbur. Sot asnjë nuk e di se sa realisht është borxhi zyrtar i Republikës së Shqipërisë. Institucionet e shtetit Shqiptar pothuajse janë të kapura dhe janë të ndikuara nga individë ose grupime individësh të cilët kanë probleme të mëdha me integritetin e tyre dhe në raport me ligjin. Sot nuk mund të kemi më një sistem piramidal ku me defekte institucionet të ekzistojnë dhe të funksionojnë duke kompesuar defektin e njëri-tjetrit pothuajse nuk ekziston sot. Nuk ekziston shteti i së drejtës, nuk ekziston shteti ligjor, Ekonomia është në prag fataliteti, dhe ajo që i vë vulën të gjithë këtij konstatimi goxha të zymtë që mua më vjen keq që e kemi këtë realitet, është mungesa e madhe e besimit që vihet re në shoqërinë tonë. Duke pasur një krizë të fortë besimi te politika, do të thotë që ka një krizë të fortë besimi te shteti. Ikjet e mëdha masive që vazhdojnë në Shqipëri, e konfirmon këtë mungesë të besimit. Jemi në një situatë shumë delikate, më delikatja e këtyre 30 viteve të fundit në të gjitha këto aspekte që unë përmenda, dhe mundësia e vetme për të ndryshuar këtë, padyshim vjen përmes sistemit. Nuk mund të vijë përmes mekanizmave të jashtëm, ilegalë por përmes sistemit./Fjala.al/

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“Vrasësi më i madh mes nesh është…”, shkrimtarja Flutura Açka nxjerr fotot: Kush mban përgjegjësi për të sëmurët e asaj dite?

Kulturë

“Vrasësi më i madh mes nesh është…”, shkrimtarja Flutura Açka nxjerr fotot: Kush mban përgjegjësi për të sëmurët e asaj dite?

  Shkrimtarja Flutura Açka, thotë se është ndjerë e shqetësuar nga sjellja e qytetarëve, e institucioneve shtetërore, në këtë periudhë ku koronavirusi po kërcënon jetët tona dhe po rrezikon mbingarkesën e...

Harry dhe Meghan nuk gjejnë qetësi, largohen nga Los Angeles, blejnë shtëpi në Santa Barbara

Lifestyle

Harry dhe Meghan nuk gjejnë qetësi, largohen nga Los Angeles, blejnë shtëpi në Santa Barbara

  Në kërkim të normalitetit. Është kjo baza e transferimeve të vazhdueshme për Harry dhe Meghan. Në më pak se 7 muaj, që kur kanë braktisur titujt zyrtare dhe Mbretërine Bashkuar...

E rëndë në Tiranë, 29-vjeçari me COVID-19 hidhet nga kati i tretë i spitalit “Shefqet Ndroqi”, humb jetën

Kronikë

E rëndë në Tiranë, 29-vjeçari me COVID-19 hidhet nga kati i tretë i spitalit “Shefqet Ndroqi”, humb jetën

  Një ngjarje e rëndë ka ndodhur mëngjesin e sotëm në Tiranë. Sipas informacioneve zyrtare nga policia, rreth orës 04:30 të mëngjesit, dyshohet se është vetëhedhur nga kati i 3 i...