Për ish-ministrin e Bujqësisë, Edmond Panaritin, numri i emigrantëve që do sillen në Shqipëri nuk ka rëndësi, rëndësi ka fakti që vendi ynë po konsiderohet seriozisht si një vend “tampon”

Përmes një postimi në “facebook” Panariti ka shkruar se Shqipëria vetë ka kërkuar që të jetë vend pritës dhe kjo gjë është bërë në mungesë të plotë të transparencës.

Postimi plotë:

Gjashteqindmije, gjashtedhjetemije, apo gjashtemije refugjate, ajo qe duket qarte eshte se Shqiperia po konsiderohet seriozisht si nje vend "tampon" per frenimin e fluksit te refugjateve nga zonat e nxehta te lindjes. I ndodhur para nje fluksi te paprecedent migrator, i cili sipas Presidentit te Parlamentit Evropian kercenon stabilitetin e Evropes se Bashkuar, kjo e fundit me te drejte, po synon te krijojne zona "buffer" ne kufijte e saj jugore, ku te strehoje refugjatet. Shqiperia, fale pozicionit te saj konsiderohet nje stacion i preferuar. Opsioni i kampeve ne vendet e Afrikes Veriore, duket jo i qendrueshem sepse qellimi i refugjateve dhe i atyre qe i mbeshtetin ne shperngulje eshte zbarkimi me çdo kusht ne toke Evropiane dhe jo per te qendruar ne Afrike. Shqiperia eshte veteofruar per te qene pritese dhe kete e deklarojne politikane me peshe Evropiane. Si gjithnje mungese e plote transparence si qysh dhe tek, me ke eshte biseduar, negociuar?! Ndersa flitet per stabilitetin e Evropes, si garantohet stabiliteti i Shqiperise? Po Kuvendi i Shqipërisë, Komisioni i Sigurise, Grupet Parlamentare, ku jane?