Shkrimtari dhe publicist i njohur shqiptar, Kim Mehmeti, i cili jeton në Maqedoni ka analizuar mënyrën se si po qeveris Partia Socialiste. Përmes një komenti të publikuar në rrjetet sociale, Mehmeti thekson se veprimtaria politike përjetohet si pjesëmarrje në spektakël televiziv, ky kryepersonazh është kryeministri, e gjithë të tjerët ‘dublantë’ të tij.

“Në Shqipëri, veprimtaria politike kryesisht përjetohet si pjesëmarrje në spektakël televiziv, ky kryepersonazh është kryeministri, e gjithë të tjerët ‘dublantë’ të tij, në spektakël që duhet ta mbulojë të vërtetën se vendi është duke u bërë i pabanueshëm për rininë shqiptare. Po pra, shumica e politikanëve të ‘Shqipërive’ tona, ndryshe –ndryshe e përjetojnë veprimtarinë politike, por njësoj lezeçëm e shijojnë ‘hajdutokracinë’!”

Të njëjtin vlerësim ka bërë edhe për klasën politike në Maqedoni dhe në Kosovë, ku thekson se ata e kuptojnë veprimtarinë politike si diçka që të mundëson ta mbulosh hajdutërinë dhe injorancën.