Gjatë vizitës së tij në Tiranë, komisionieri për Zgjerimin Johanes Hahn ka zhvilluar një konferencë për shtyp me kryeministrin Edi Rama pas prezantimit të nisjes së fazës përgatitore të procesit për hapjen e negociatave.

Jo për të kaluar radhën, por si një shqetësim real për vendet e Bashkimit Evropian, Hahn kërkoi nga qeveria Rama të luftojë krimin e organizuar dhe veçanërisht trafikun e drogave.

“Por qeveria duhet të vijojë luftën kundër krimit, trafikut të drogës si dhe zbatimin e reformave të ndërmarra. E kam theksuar dhe dua ta vë në pah rëndësinë që ka ky proces i negociatave të anëtarësimit për të gjithë administratën e cila duhet të shtojë përpjekjet e nevojshme” tha Hahn.