Për çështjen e shumëdebatuar të Teatrit Kombëtar analisti Fatos Lubonja është shprehur së fundmi se gjithçka është një akt korruptiv. Ai ka theksuar se populli duhet të dalë kundra dhe ta mbrojë me forcë këtë godinë.

“Akt i pastër korrupsioni ajo që pritet të ndodhë me Teatrin. Mirë që Rama është hajdut por të tregojë që është edhe vrasës. Në botë kështu ka bërë populli, nuk duhet të lejohen fadromat atje nga populli, kështu e do një rregjim i tillë. Duhen qëndresa të forta të popullit, të vihen para atyre fadromave, siç ka ndodhur edhe në Itali.

Këtyre iu duhet thënë ndal sa më parë. Nuk e shikoj zgjidhjen vetëm te rezistenca fizike e popullit por duhet edhe ndërhyrja e ndërkombëtarëve. Këta duhet të ndërhynë më fuqishëm.

Ky tani ka thënë që do të bëhet konkurs tani dhe ka ftuar kompanitë por një kompani mund të shkojë edhe për një rikonstruktim të godinës, kjo mund të ishte një zgjidhje.

Ajo që ndodhi sot tregon se çfarë nguti kanë këta që ta bëjnë këtë projekt. Nuk e di se ku i çom mushka këta ministra edhe të rinj në moshë që po mbështesin këtë projekt.”, shprehet Lubonja për “News 24”.