Ish-kryeministri Sali Berisha e ka krahasuar rrugëtimin e qeverisë Rama për në Elbasan sot, në takimin informal, me udhëtimin mbi kalë të të vdekurit me të gjallë, Kostandinit dhe Doruntinës së legjendës.

“Qeveria shkon të mblidhet si Kostandini me Dhoqinën, Elbasani e pret me protesta, tym dhe “Rama ik!” – shkruan Berisha dhe vendos paralelisht takimin qeveritar dhe protestën qytetare me të cilën u prit.

Kujtojmë se qeveria Rama është e shkërrmoqur, pasi një pjesë ministrash janë dekretuar nga Presidenti, të tjerë ende jo, pas shkarkimeve që u bënë në nisje të vitit të ri. Kësisoj, në tryzën e diskutimit në Elbasan ishin tre palë ministra: edhe të shkarkuarit, edhe të emëruarit, edhe ata pezull.