Arrestimi i protestuesve, Kryemadhi: Rama pinjoll i komunizmit, vazhdon me metodat Staliniste

Diel, 01 Prill 2018 21:36

Kryetarja e LSI, Monika Kryemadhi ka reagur për arrestimet e protestuesve së ditës së djeshme në Rrugën e Kombit, duke i dhënë atyre të gjithë mbështetjen pasi sipas saj ajo taksë është absurde dhe një ‘’harac’’ i vendosur nga Rama.

Zonja Monika nëpërmjet një statusi në facebook ,e ka cilësuar qeverinë Rama si një qeveri që përdor akoma metodat Staliniste dhe është shprehur e vendosur ‘’për vazhdimin e betejës për ndryshimin e tarifës dhe mbështetjes ekonomike për banorët’’ e Kukësit.

Postimi i plotë   

Represioni dhe dhuna ndaj protestuesve në Kukës është thjesht rishfaqje e arrogancës dhe frikës që ka pushtuar Edi Ramën këto 24 orët e fundit.

Qytetarët e ndaluar barbarisht me format dhe metodat e Sigurimit të Shtetit tregojnë qartë, se sado të përpiqen ish bashkëpunëtorët dhe pinjollët e komunizmit i kanë të shenjuar thellë në ndërgjegjje metodat staliniste.

Protestuesit e ndaluar dhe të shoqëruar në komisariatet e Tiranës kanë mbështetjen tonë dhe të të gjithë qytetarëve të ndershëm të këtij vendi, që e kuptojnë dhe dënojnë këtë taksë absurde, haraç të Edi Ramës për oligarkët e tij.

Siguroj të ndaluarit nga policia dhe familjarët e tyre se kjo histori nuk mbaron këtu!

Ne do të kërkojmë me forcën tonë dhe të ligjit, jo vetëm lirimin e tyre, por edhe rikthimin e dinjitetit të nëpërkëmbur nga falangat e qeverisë.

Edi Rama që kërcënon sot banorët e Kukësit dhe protestuesit e ndaluar, bën mirë të angazhojë policinë, forcat speciale, prokurorinë, madje dhe vetë Saimir Tahirin po të doje, që të gjejë ish drejtuesit e policisë të arratisur dhe të përfshirë në trafikun e lëndëve narkotike.

Bën mirë të hedhë sytë e të kërkojë hetime të ndershme për Elvis Roshin apo ish shokët e tij të grupit parlamentar, që akuzohen për krime të rënda.

Kjo është detyra për një kryeminister të përgjegjshëm dhe jo peng të krimit dhe pazareve me banditët.

Ne si LSI, jemi të bindur në betejën tonë për ndryshimin e tarifës dhe mbështetjes ekonomike për banorët e kësaj zone.

Askush nuk mund ti detyrojë qytetarët e Kukësit dhe zonave përreth, që në skajshmerinë e varfërisë ku i ka çuar kjo qeveri të paguajnë taksë për orekset e klientëve të Edi Ramës.

Asnjë vegël e Edi Ramës, apo qoftë dhe ai vetë, nuk do të munden të dhunojnë të drejtën e banorëve të Kukësit për të mos u varfëruar çdo ditë e më shumë për hir të qejfeve dhe perversiteteve të një kryeministri të papërgjegjshëm.

Lsi dhe opozita shqiptare do të vazhdojë të jetë në krah të banorëve protestues dhe do të kundershtojë çdo akt dhune apo presioni që përpiqet të frikësojë Kukësin dhe kuksianët.

Ne do të vijojmë përpjekjen dhe betejën tonë për të rikthyer besimin te shqiptarët e gënjyer dhe zhgënjyer nga qeveria e narkotrafikut.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

LIVE INTER-JUVENTUS/ Festë zikaltër në stadium, Xheko tund rrjetën

Sport

LIVE INTER-JUVENTUS/ Festë zikaltër në stadium, Xheko tund rrjetën

  Sot luhet në stadiumin “Giuseppe Meazza”, derbi i Italisë, Inter-Juventus, e vlefshme për javën e 9 të Serisë A italiane Interi do të kërkojë ringritjen pas humbjes që pësoi javën...

“Der Spiegel” paralajmëron: Në Ballkan po lind një konflikt i ri, pasojat për Europën do të jenë të mëdha

Globi

“Der Spiegel” paralajmëron: Në Ballkan po lind një konflikt i ri, pasojat për Europën do të jenë të mëdha

    Revista gjermane “Der Spiegel” i ka kushtuar një shkrim situatës në Ballkan. “Lideri i serbëve të Bosnjës dhe anëtar i kryesisë së Bosnjë-Hercegovinës kërcënon prej vitesh se do të shkatërrojë shtetin...

Ilir Kulla te darka e ditëlindjes së yllit mediatik italian, Mara Venier.Në darkë edhe Carrisi, Parieti, Marcuzzi dhe Ferrili

Lifestyle

Ilir Kulla te darka e ditëlindjes së yllit mediatik italian, Mara Venier.Në darkë edhe Carrisi, Parieti, Marcuzzi dhe Ferrili

  Fotolajm/Analisti i njohur shqiptar Ilir Kulla në darkën e ditëlindjes se yllit mediatik italian Mara Venier, sëbashku me Alessia Marcuzzi, Alba Parieti, Sabrina Ferrili dhe Albano Carrisi