Paketa e propozuar pak ditë më parë nmga kreu i qeverisë e quajtur “Anti KÇK” është antikushtetuese.
Këtë vleresim jep aktivisti Ergys Mërtiri i cili shton se qeveria me këtë ligj pranon që në këto 6 vite nuk e ka luftuar krimin.
'Rama në thelb punon me popagandë. Paketa mund të vlejë si kërcënim që Rama kërkon ti fusë në anën e tij në zgjedhje. Ne të sekuestrojmë pasurinë nëse nuk paguan gjobën përkatëse. Ligji KÇK mund të sekuestrojë pasurinë pa asnjë mandat gjykate. Është një ligj antikushtetues, ekspozon çdo biznes jemi të pambrojtur tashmë edhe me ligj', tha Mërtiri.
Mërtiri ka komentuar edhe qëndrimin e faktorit ndërkombëtar.
'Në rastin e këtij ligji ka pasur reagime jo në nivelin e duhur. Ambasada Amerikane ishte më e luhatur. Është një lloj lodhje e ndërkombëtarëve për tu marrë me çdo gjë, ndaj duket se qëndrojnë indiferent', tha ai.
'Me këtë ligj, Rama pranon që në këto 6 vite nuk ka luftuar krimin. Policia ka qenë me e akuzuar se çdo institucion tjetër për rrjedhje informacioni. Vet qeveria nisi të bëjë Vetting ndaj policisë.
Duhet theksuar se krimi po bashkëpunon me politikën. Ne arrestojmë njerëz që shesin kokoshka në rrugë. Nëse policia bën si duhet detyrën Prokurori nuk mund të mbyllë sytë lehtë. Në një shtet ku ka Kushtetutë dhe ndarje pushtetesh të thuash se po e bëj unë rolin e gjykatës, këtu ke minuar rolin e shtetit', tha më tej Mërtiri.
