Ambasadorja Amerikane në Tiranë Yuri Kim ka zhvilluar sot një takim me anëtarët e Këshillit të Lartë Gjyqësor.

Përmes një mesazhi në ‘Facebook’ ambasada e SHBA ka zbardhur detaje nga takimi. Mësohet se ambasadorja ka përgëzuar anëtarët e KLGJ-së për përpjekjet e tyre në përmirësimin e administrimit të gjyqësorit dhe gjykatave.

Ajo theksoi përkushtimin e Shteteve të Bashkuara për të ngritur një sistem drejtësie të paanshëm, bazuar në sundimin e ligjit, ndërsa Shqipëria përpiqet të përmbushë potencialin e saj të plotë duke krijuar institucione të forta demokratike.