Kryedemokrati Basha ka reaguar në Twitter pas investigimit të BIRN që tregonte se 18 nga 27 anëtarët e kabinetit të kryeministrit Edi Rama nga viti 2013 deri në vitin 2018, kanë probleme me justifikimin e pasurisë në të paktën një vit.
Sipas Bashës, është e parpanueshme që në një kohë që ekonomia rrënohet çdo ditë, papunësia rritet dhe varfëria është ulur këmbëkryq, kryeministri dhe ministrat trefishojnë pasurinë.
STATUSI I PLOTË I BASHËS
Ndërsa ekonomia po rrënohet çdo ditë, papunësia rritet dhe varfëria është ulur këmbëkryq në familjet e shqiptarëve, Rama dhe ministrat e tij kanë trefishuar pasuritë e tyre!!!
Rama dhe qeveria e tij kujdesen vetëm per vete. Mjaft është mjaft! Është koha për ndryshim, është koha për një qeveri që kujdeset për qytetarët, dhe jo për veten.
