Me karta dhe “shpata” drejt datës 25 prill!

Tuesday, 23 February 2021 08:22

 

Presidenti i Republikës, Ilir Meta nga qyteti i Vlorës u ka bërë thirrje qytetarëve që të marrin pjesë në zgjedhjet e 25 prillit, si në një referendum historik. Kreu i shtetit ka deklaruar se pjesëmarrja masive është mesazhi më i fortë që shoqëria jep për ndryshimin e vendit. Ndërsa ka komentuar pengesat për pajisjet me karta identeteti të rreth 1 milionë votuesve, Presidentit tha se më 25 prill qytetarët shkojnë drejt zgjedhjeve me dokumente identifikimi dhe me vullnetin për të përmbysur modelin e keqqeverisjes së vendit. “Me pasaporta, me karta, me shpata shqiptarët do shkojnë të votojnë më 25 prill, kjo histori ka përfunduar. Kushdo që do t’i demoralizojë, të lidhë kokën me peshqir. Pjesëmarrja do jetë historike. Shqipëria do ngrihet më këmbë. Shqiptarët e kanë kuptuar se fuqia e tyre është vota. Vota është e drejta e pronës, e drejta për punë, e drejta për të përballuar një jetë me dinjitet, për t’u përfshirë nga pikëpamja sociale dhe ekonomike. Çdo përpjekje për të demoralizuar shqiptarët është e dështuar. Të gjithë të shkojnë dhe të votojnë për të ardhmen europiane të Shqipërisë, për dinjitetin e tyre, kundër shpopullimit të Shqipërisë…”,- tha ndër të tjera kreu i shtetit.

Përmendja e shpatave ka nxitur fantazinë dhe panikun e mazhorancës. Kryeministri Edi Rama dhe zëvendëskryeministri Erion Braçe reaguan të parët për çështjen e shpatave, ata fantazuan akte dhune dhe ushtri votuesish me kuaj apo armë të ftohta që do nisën me 25 prill drejt tyre. Në fakt simbolika e kartave dhe shpatave është pak më e thjeshtë sesa ajo që imagjinojnë drejtuesit kryesorë të qeverisë. Çështja e kartave të identitetit është një problem serioz që tregon sesi po Rilindja po tenton të ndalojë qytetarët të marrin pjesë në votime. Rreth 1 milion shqiptarë mund të pengohen të votojnë, sepse u ka skaduar afati i vlefshmërisë së dokumenteve të identifikimit. Kryeministri dhe Ministria e Brendshme nuk kanë dhënë një përgjigje serioze sesi do të zgjidhet ky problem, ndërkohë që mbeten vetëm dy muaj kohë. Mjafto një vetëm një vendim, nëse PS kërkon që njerëzit të marrin pjesë në zgjedhje, ku të shtyhet afati i vlefshmërisë së tyre deri në datën 30 prill. Fakti që PS, e cila kontrollon Kuvendin dhe çdo institucion nuk merr asnjë masë për çështjen e kartave, do të thotë se një nga planet e manipulimit të zgjedhjeve është dhe ndalimi i qytetarëve për të votuar. 25 prilli është referendum dhe kushdo që ka dokumentet e identifikimit të lëshuara nga shteti shqiptar, duhet të shkojë të shpreh vullnetin e tij për qeverinë që do të ketë.

Për çështjen e “shpatave”, Rilindja ka të drejtë që trembet, por nuk duhet të imagjinojë dhunë dhe votues me kuaj, siç tha kryeministri. Zgjedhjet e 25 prillit janë një betejë mes ligjshmërisë dhe antishtetit që ka ngritur Rilindja. Një betejë mes zhvillimit të vendit apo pasurimit të oligarkisë që po bën Rilindja. Një betejë mes zbatimit të projekteve dhe investimeve që pasurojnë shoqërinë apo shpopullimit kombëtar që është bërë në këto tetë vite. Një betejë për ndërtimin e shtetit europian apo modelin aktual të qeverisjes me PPP, oligarkë dhe me krimin. Për të ndarë lidhjen e rrezikshme që është vendosur mes qeverisë, korrupsionit dhe krimit sigurisht që duhet shpata e ligjit.

Dhe nuk do vonojë kjo SHPATË!

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Xhixho/Asnjë çelje negociatash nuk mund të ketë për Shqipërinë, pa plotësimin deri në një të kushteve të vendosura nga KE-ja.

Politikë

Xhixho/Asnjë çelje negociatash nuk mund të ketë për Shqipërinë, pa plotësimin deri në një të kushteve të vendosura nga KE-ja.

  Sot, raporteri për Shqipërinë në Parlamentin Europian, David Lega kërkoi korrigjimin e njoftimit zyrtar të PE, për rekomandimin e nisjes së negociatave për vendin tonë. Lega theksonte njoftimi nuk përmbante...

INTERVISTA/ Grisejda Myslimi: Në Vlorë mandati i dytë i LSI i padiskutueshëm, po punojmë për të tretin. Plani për ndaljen e hemoragjisë kombëtare

Politikë

INTERVISTA/ Grisejda Myslimi: Në Vlorë mandati i dytë i LSI i padiskutueshëm, po punojmë për të tretin. Plani për ndaljen e hemoragjisë kombëtare

  Kandidatja e LSI-së për qarkun e Vlorës në zgjedhjet e 25 prillit Grisejda Myslimi flet në një intervistë për gazetën “standard” flet për prioritet e programit të kësaj partie si...

Greqia nuk gjen qetësi, 24 lëkundje pas mesnate vetëm në Elassona, dhjetëra banorë kaluan natën jashtë

Globi

Greqia nuk gjen qetësi, 24 lëkundje pas mesnate vetëm në Elassona, dhjetëra banorë kaluan natën jashtë

  Greqia prej orësh nuk gjen qetësi teksa rajonet e Larissës dhe Thesalisë janë goditur nga disa tërmete, më i fundit ai i djeshmi me epiqendër në Elassona, 5.9 i shkallës...