Në kërkim nga SPAK, qeveria i paguan 150 milionë lekë kompanisë së Klodian Zotos

Premte, 21 Janar 2022 19:43

 

Qeveria e Edi Rames vijon të paguajë miliona leke kompanisë së sekuestruar nga SPAK “Integrated Technology Service”, e Klodian Zotos.

Edhe pse është në arrati, nën akuzën e korrupsionit dhe pastrimit të parave, Klodian Zoto ka marrë këtë të enjte nga Ministria e Infrastruktuës, 150 milionë lekë të vjetra.

Ditën e Enjte, në 20 Janar 2022, qeveria, nëpërmjet Ministrisë së Infrastrukturës, ka paguar 150 milionë lekë të vjetra për shoqërinë “Integrated Technology Service”, e cila është nën sekuestro me urdhër të Gjykatës Kundër Korrupsionit.

Sipas të dhënave të Thesarit të Shtetit, pagesa është kryer në kuadër të shërbimeve që kompania kryesore e Klodian Zotos po jep për ndërtimin e landfillit të Sherishtës, në qytetin e Vlorës. Në qershor të vitit 2020, kompania “Integrated Technology Service”, së bashku me një kompani italiane, u shpallën fitues të një tenderi të zhvilluar tërësisht në errësirë për ndërtimin e landfillit të mbeturinave në qytetin bregdetar jugor.

Fondet për ndërtimin e këtij landfilli, në vlerë rreth 10 milionë euro, janë siguruar nga qeveria shqiptare nëpërmjet një kredi të bankës gjermane, KFV. Tenderi është zhvilluar nga Agjencia Kombëtare e Mbetjeve, e cila në kohën e procedurave drejtohej nga Alqi Bllako, sot deputetet i Partisë Socialiste dhe i cilësuar si një prej personazheve kyç në aferën e inceneratorëve.

Për zhvillimin e tenderit të landfillit të Sherishtës nuk ka pasur asnjë të dhënë publike nga autoritetet shqiptare. Deri më tani, “Integrated Technology Service” e Zotos ka përfituar rreth 1.5 miliardë lekë të vjetra për ndërtimin e landfillit të Vlorës.

Pagesa e kryer në mesin e kësaj jave është e para që përfiton kompania e Klodian Zotos, pasi ai u shpall në kërkim, në mesin e Dhjetorit 2021. Zoto, së bashku me bashkëpunëtoren e tij, Stela Gugallja, dyshohen për veprat penale të pastrimit të parave dhe korrupsionit aktiv në procedurat për koncensionin e inceneratorit të Elbasanit.

Ndaj tyre ka një urdhër arresti në fuqi, ndërkohë që dyshja Zoto-Gugallja janë në arrati. Kryeministri Edi Rama, i pyetur më herët nga media lidhur me vijimin e pagesave për “klanin e inceneratorëve”, u deklarua i sigurt se do të vijonin të paguheshin qindra milionë lekë të shqiptarëve për Zoton, Gugalljan dhe bashkëpunëtorët e tjerë të tyre.

Login to post comments

Lajmet e fundit

“Rithemelimi” padit kryetarin e Gjykatës së Tiranës

Politikë

“Rithemelimi” padit kryetarin e Gjykatës së Tiranës

  Komisioni i Rithemelimit ka ngritur padi ndaj kryetarit të Gjykatës së rrethit Gjyqësor Tiranë, Flamur Kapllanit dhe kancelarit Donald Xhelili. Rithemelimi akuzon zyrtarët për “Shpërdorim detyre”. “Në vijim të qëndrimit të bërë...

Tallja me Alibeajn/ Analistët: Fitoi të drejtën që ia jep Kushtetuta

Politikë

Tallja me Alibeajn/ Analistët: Fitoi të drejtën që ia jep Kushtetuta

  Enkelejd Alibeaj vazhdoi farsën presidenciale një ditë më parë, duke arritur kulmin pasi deklaroi se kishte arritur një marrëveshje. E ashtuquajtura marrëveshje, parashikon që opozita të propozojë kandidatë në raundet humbëse...

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

Politikë

Petrit Vasili:17 maji i 2017 e polli sot këlyshin e 18 majit ose incenerator-marreveshjen Balla Alibeaj!

17 maji i 2017 e polli sot këlyshin e 18 majit ose incenerator-marreveshjen Balla Alibeaj! Ne fund te estrades se këlyshit te 18 majit, Rripi i pantallonave te Rames do te...