Kryetari demokrat, Sali Berisha, denoncoi nga Shkodra se qeveria po shet sot energji katër herë më shtrenjtë nga sa blihet.

“Energjia nuk kishte nevojë të blihej. Sot po shesin energji, me një çmim katër herë më të ulët se e blejnë, se e kanë kontratat. Janë verbuar.

Qeveria ka qëndrim armiqësor të hapur ndaj Shkodrës. Por këtë akt e kanë bërë se janë kapur në flagrancë në një vjedhje të paimagjinueshme. Kanë importuar energji në një kohë kur paralajmëroheshin shtrëngatat. Por këta kanë hallin e parave. Duan të vjedhin paratë,” tha Berisha.

Ai u tha banorëve të revoltuar se qeveria i ka hapur portat e hidrocentraleve pa i lajmëruar.

Një banor tha se kjo është e vërtetë, pasi përmbytja ka ndodhur brenda gjysmë ore.

“Është një akt kriminal dhe i papërgjegjshëm se portat i kanë hapur para mesnate, nuk kanë njoftuar kryetarin e bashkisë, në të vërtetë kanë hapur tunelet e Komanit, plut turbinat e Vaut të Dejës. Kjo është një qeveri armiqësore jo vetëm ndaj Shkodrës, por edhe ndaj shqiptarëve në tërësi. Sepse ai që vjedh është i aftë të bëjë gjithçka,” tha Berisha.