Berisha: Katastrofa në Shkodër u diktua nga vjedhja e Qeverisë, ishte absolutisht e parandalueshme!

Hënë, 21 November 2022 15:08

 

Nga konferenca për shtyp e Kryetarit të PD-së, Sali Berisha, në Shkodër, lidhur me përmbytjen.

Berisha: “Nuk ka parë kurrë Shkodra një përmbytje të tillë të rrufeshme. Njerëzit kanë dalë nga shtëpia e tyre dhe kur janë kthyer pas 30 minutash, nuk kanë hyrë dot në shtëpi, se e kanë gjetur të përmbytur. Ura e Bahçallëkut, një urë e ndërtuar në 1850, që u ka rezistuar të gjitha prurjeve ujore gjer mbrëmë, është këputur, është larguar nga super-dallga e krijuar nga ky shkarkim brutal i menjëhershëm.


Siç e shihni, dëm janë 2500 ha nën ujë, janë prishur të lashtat, gruri, në të gjithë pothuajse këtë sipërfaqe, janë 600 shtëpi që u është futur uji brenda, janë qindra e qindra silazhe të fermerëve të mbytura, një katastrofë ë tëra e diktuar nga një praktikë vjedhjeje nga qeveria dhe duhet t’ju informoj se gjithçka ishte absolutisht e parandalueshme në qoftë se këta nuk do të administronin kaskadën, siç e administruan duke mbytur Shkodrën dhe qytetarët e saj.

Në këtë situatë kritike, kanë humbur jetën një qytetar i nderuar dhe demokrat i vendosur, Pjetër Rushaj, djali i tij 14-vjeçar. Unë i shpreh familjes Rushaj dhe gjithë komunitetit të Pultit, ngushëllimet e mia më të ndjera për këtë humbje jashtëzakonisht të dhimbshme, por dënoj me ashpërsinë më të madhe këtë veprimtari të mirëfilltë kriminale të qeverisë e cila për të mbushur xhepat krijoi këtë dramë krejtësisht të parandalueshme sot në Shkodër.

Edhe njëherë, përgëzoj qytetarët e Shkodrës për mobilizimin e tyre. Shpreh solidaritetin tim dhe përgëzoj edhe bashkinë, kryetarin e saj, i cili që dje, para jush, ka kërkuar publikisht KESH-it të bashkëpunojë me autoritetet, të zbatojë ligjin, sepse KESH është i detyruar të informojë në kohë përpara se të bëjë veprime kriminale, fshehtas, në mesnatë, duke hapur tunele dhe porta anësore pa thënë një fjalë, me qëllimin e vetëm “se nuk jemi ne që ju përmbytëm, por ju përmbytën shirat që ranë apo prurjet anësore”, e cila është krejtësisht e pavërtetë.

Përmbytja është qeveritare dhe akt i mirëfilltë kriminal, por këta SKAPIN e kanë të tyre. Por një ditë do të vijë koha që do të bëhen përgjegjësi, Rama ashtu dhe Balluku dhe ata hajdutë të tjerë që kanë futur dhe krijuan këtë katastrofë.”

Login to post comments

Lajmet e fundit

87-VJETORI I ISMAIL KADARE, FLET ELENA: ARDHJA NË SHQIPËRI NA KA ZBUKURUAR JETËN

Kulturë

87-VJETORI I ISMAIL KADARE, FLET ELENA: ARDHJA NË SHQIPËRI NA KA ZBUKURUAR JETËN

Elena Kadare në 87-vjetorin e lindjes së bashkëshortit të saj ka ndarë disa momente nga jeta e tyre së bashku, ndërsa ka folur gjithashtu edhe për rikthimin e tyre në...

Soko: Qeveria vjedh parate e shqiptareve dhe mban pushtetin duke gjymtuar opoziten

Politikë

Soko: Qeveria vjedh parate e shqiptareve dhe mban pushtetin duke gjymtuar opoziten

Pedagogu Pano Soko ka qene i ftuar dje ne emision Top Story ne Top Channel ku ka folur edhe per ngjarjet e fundit te aktualitetit politik dhe nder te tjera...

Tensionet në Kuvend/ Kryemadhi: Lindita Nikolla si mercenare e Edi Ramës

Politikë

Tensionet në Kuvend/ Kryemadhi: Lindita Nikolla si mercenare e Edi Ramës

Deputetja e Partisë së Lirisë, Monika Kryemadhi nga jashtë sallës së Kuvendit foli për kaosin që përfshiu sot seancën plenare. Ajo sulmoi ashpër kryetaren e Kuvendit, Lindita Nikolla duke thënë se...