Disa prej faqeve me më shumë ndjekës në YouTube, kanë shpërndarë momentet e protestës së opozitës shqiptare. 

Pamjet vijnë nga agjencia e madhe ndërkombëtare, Reuters. 

Kjo agjenci shkruan se opozitarët ndezën tymuese në parlament dhe u vunë flakën fletëve, duke e akuzuar qeverinë se po tenton t’i mbyllë gojën opozitës.

Reuters raporton se protesta të ngjashme janë shënuar edhe më herët në parlament, kur u votua buxheti i vitit që vjen.

Agjencia thekson se kreu de facto të Partisë Demokratike, Sali Berisha, po hetohet nga një prokurori e posaçme.

Vetë Berisha akuzon Edi Ramën se ka orkestruar hetimet ndaj tij.