Në një artikull të publikuar së fundmi, media britanike ‘The daily beast’ shkruan fillimisht për lidhjet e Mendez me biznesmenin shqiptar Gazment Lita dhe impaktin që mori edhe vëlli i tij, ish-deputetin e grupit Basha, Korab Lita.  

Mbështetja e një zyrtari të fuqishëm amerikan do t’i jepte atij një ndikim të madh, duke marrë shkas nga takimet dhe fotot e Korab Litës në artikuj të shumtë.

Në fillim të vitit 2020, Menendez filloi të bëhej më i zëshëm për çështjen e Kosovës, por jo të gjithë liderët e huaj ishin të kënaqur me procedurat, ose me nënshkrimin e mëvonshëm nga Menendez të një letre ndërkombëtare që protestonte "politikën e Beogradit në qendër për Ballkanin". 

“Menjëherë pas aktakuzës së Menendez në shtator, Vuçiç i Serbisë – i cili ka lidhjet e tij kriminale – pretendoi se skandali duhej të përfshinte rivalët e tij ballkanikë”, thuhet në artikull.

“Po flasim për një njeri që është lobisti më i fuqishëm shqiptar. Nuk ka njeri që ishte më keq ndaj Serbisë, që bëri një punë më të ndyrë se Bob Menendez”, u tha Vuçiç gazetarëve, duke ankuar për përpjekjet e Menendez për të inkurajuar shtetet fqinje që të njohin Kosovën. “Është e qartë se ai është paguar nga shqiptarët”.

Po ashtu, artikulli ndalet edhe te çështja e shumëdiskutuar McGonigal, duke e cilësuar si rastin më skandaloz deri më sot të rekrutimit nga qeveria socialiste.

“Fraksionet e ndara të Shqipërisë janë përpjekur vazhdimisht të ndikojnë në politikën amerikane vitet e fundit. Rasti më skandaloz deri më sot ishte rekrutimi nga qeveria socialiste e zyrtarit të kundërzbulimit të FBI-së, Charles McGonigal, i cili u deklarua fajtor për pranimin e një dhurate prej 225,000 dollarësh nga një bashkëpunëtor i shërbimeve klandestine të Tiranës vjeshtën e kaluar.

Megjithatë, Partia Demokratike Shqiptare u angazhua në një përpjekje të njëjtë lobimi, e cila mund të ketë marrë mbështetje financiare nga Moska”, thuhet në artikull./ politiko/