Vizitë zyrtare në parlamentin grek, Gjekmarkaj: Ndaj Berishës e Belerit po zhvillohen procese antikushtetuese

E mërkurë, 21 February 2024 16:56
Nënkryetari i Kuvendit të Republikës së Shqipërisë, deputeti Agron Gjekmarkaj ka zhvillua një vizitë në parlamentin grek me ftesë zyrtare të Zëvendës Kryetarit të Parë të Parlamentit të Greqisë, Janis Plakiotakis.

 

Gjekmarkaj ka bërë të ditur se ka vënë në dijeni zyrtarin e vendit fqinj për disa çështje themelore që lidhen me arrestimin politik të kryetarit të Bashkisë së Himarës, Fredi Belerin dhe për akuzën antikushtetuese të bërë ndaj liderit të opozitës, Sali Berisha. 

 

Reagimi:

Me ftesë të Zëvendës Kryetarit të parë të Parlamentit të Republikës Helenike, z. JANIS PLAKIOTAKIS, vizitova dje këtë institucion themelor të shtetit grek.

E falenderova z. Plakiotakis dhe ekipin e tij  për mbështetjen që Greqia në këto dekada i ka dhënë Shqipërisë në procesin e integrimit, në ndihma dhe investime të drejtpërdrejta. Nuk mund të përjashtohet asnjëherë roli i minoritetit grek në vendin tonë si urë miqesie, por edhe komuniteti tashmë i madh shqiptar i emigracionit në vendin fqinj gjithnjë e më i përfshirë në shoqërinë greke, si faktor ekonomik, social e kulturor.

Çështja “Beleri” si çështje e të drejtave të njeriut, bazuar në konventat europiane, ishte pika kyçe per z. Plakiotakis, trajtimi i tij si një i burgosur politik.

Përfitova nga rasti t'i shpjegoj pozicionin e qartë të Opozites shqiptare për këtë çështje nga fillimi e në vazhdim.

Po ashtu e informova bashkëbiseduesin për shkeljen e Kushtetutës në nenin 73 të saj nga organet e drejtësisë në rastin e arrestimit pa akuzë të Liderit të Opozitës, ish-President dhe ish-Kryeministrit të vendit, Sali Berisha, ngjarje kjo që ka krijuar pikëpyetje të mëdha e tension politik.

Duke përfituar nga vëmendja e plotë e homologut grek, i kërkova atij t'i transmetojë Kryeministrit Micotaqis shqetësimet e PD si një parti aleate, në mënyrë që institucionet europiane të jenë vigjilente ndaj çeshtjeve të Kushtetutës, ligjit dhe të drejtave të njeriut, të kthehen e të marrin rolin që u takon për t'i dhënë zgjidhje krizes parlamentare në vendin tonë duke hetuar me kujdes shkaqet e krizes.

Me z. Plakiotakis ndamë të njëjtin mendim që duhet të punojmë për të shmangur çdo provokim, çdo tension që gjeneron konflikt mes vendeve tona si dy popuj që historikisht që në zanafillë janë pranë njëri-tjetrit.

Login to post comments

Lajmet e fundit

'Drejt Gjermanisë', UEFA publikon disa nga fotot më ikonike të Shqipërisë

Sport

'Drejt Gjermanisë', UEFA publikon disa nga fotot më ikonike të Shqipërisë

Shqipëria u kualifikua për herë të dytë në historinë e saj, në një kampionat Europian.   Kuqezinjtë i mbyllën kualifikueset në vendin e parë, duke lënë pas kombëtare të forta si Çekia...

Mbrëmje e madhe në Champions/ Bayern-Arsenal dhe City-Real, gjithçka e hapur për në gjysmëfinale

Sport

Mbrëmje e madhe në Champions/ Bayern-Arsenal dhe City-Real, gjithçka e hapur për në gjysmëfinale

Sonte në mbrëmje do të mësohen dy “biletat” e tjera gjysmëfinale të Champions-it.   Në orën 21:00 do të luhen Manchester City-Real Madrid dhe Bayern Munchen-Arsenal. Manchester City duket disi më favorit pas...

Nderimi i Patti Smith-it për Dua Lipën

Show-biz

Nderimi i Patti Smith-it për Dua Lipën

Tre vjet pas pasi filloi të publikohet lista me 100 pionierët revolucionar të revistës TIME në fusha të ndryshme të jetës, Dua Lipa zbukuron kopertinën e saj të re si një nga njerëzit më...