Një tjetër skandal zgjedhor u denoncua ditën e djeshme nga lideri i opozitës, Sali Berisha, i cili akuzoi qeverinë për përpjekje të organizuara për manipulimin e votës.

Sipas denoncimit të tij, në fshatin Pekisht të Peqinit janë zbuluar materiale të dyshuara si të falsifikuara, përfshirë fletë votimi të paplotësuara dhe një listë emërore zgjedhësish.

Pas denoncimit, policia dhe prokuroria ndërhynë në një lokal në pronësi të shtetasit Dervish Beqiri ku ky i fundit është proceduar penalisht, pasi i janë gjetur fletë votimi të falsifikuara, listë emërore e zgjedhësve dhe shuma parash.