Saimir Tahiri i habiti të gjithë kur doli në një konferencë për shtyp para dy javësh dhe bëri me dije se do linte mandatin e deputetit.

Një veprimi ky që erdhi vetëm pasi në Gjermani, kryeministrit Edi Rama i kishin kërkuar në mënyrë të qartë, shumë pak diplomatike, që ndaj ish-ministrin e Brendshëm të përfshirë në trafik droge, të vepronte drejtësia.

Për shumëkënd është qartë se Saimir Tahiri nuk do të hiqte dorë nga mandati i deputetit, dhe për rrjedhojë nga imuniteti, nëse nuk do të kishte arritur një marrëveshje me padronin e tij, Ramën.

Më i interesuar për të pasur një kompromis mes tyre ishte kryeministri Rama, pasi projektuesi i kanabizimit ishte ai vetë, ndërsa Tahiri ishte zbatuesi në terren .

Aq më tepër, marrëveshja mes tyre erdhi kur Tahiri nuhati se presioni ndërkombëtar ndaj Ramës për arrestimin e tij ishte shtuar, çka bëri që të dilte publikisht dhe ta kërcënonte atë me shprehjet e tij të përdorura kur ishte në krye të Bashkisë së Tiranës.

Marrëveshja ishte e qartë: Tahiri nuk do të përdorte provat e shumta që ka për Ramën, ndërsa ky i fundit do ta shpëtonte atë nga burgu.

Zbatimi i kësaj marrëveshje nisi me ikjen e drejtuesit të Prokurorisë së Krimeve të Rënda, Besim Hajdarmataj, i cili është edhe prokuror i dosjes ‘Tahiri’.

Edhe pse me prova të shumta, Gjykata e Krimeve të Rënda nuk miratoi kërkesën e prokurorit Hajdarmataj për arrestimin e Tahrit, duke u mjaftuar me një ‘arrest shtëpie’.

Por prova me e qartë e marrëveshjes së Ramës me Tahirin është vendimi i Gjykatës së Tiranës i ditës së sotme për pushimin e hetimeve për pajisjen e përgjimit, IMSI Catcher.

Shumëkujt i lind e drejta të pyesë se çfarë lidhje ka pajisja e përgjimit IMSI Catcher me marrëveshjen Rama-Tahiri.

Lidhje kryesore është ajo e përgjimeve që Saimir Tahiri bëri kur ishte në krye të Ministrisë së Brendshme, kur përveç atyre personave që Rami e urdhëronte për të përgjuar, ish-ministri mblodhi prova edhe kundër shefit të tij.

Edhe pse para dy vitesh nisën hetime ndaj Drejtorit të Policisë Haki Çako, ku edhe u pezullua nga puna për disa javë, hetimet për përgjimet u mbyllën përfundimisht nga Gjykata e Tiranës.

Edi Rama e dinte shumë mirë se Tahiri kishte prova komprometues ndaj tij, ndërsa ish-ministri me kapjen e drejtësisë, u bind se dera e burgut ishte një mesazh larg.

Ashtu si në familjet mafioze, kur mes anëtarëve ka shantazh, arrihet një marrëveshje për të shpëtuar të dy, por siç e ka treguar edhe historia, fundi për ta është shumë i hidhur.

/55News.al/