Nga Koverçano, ku ka grumbulluar skuadrën, trajneri Roberto Mançini ka lëshuar alarmin: “Kurrë kaq pak italianë në fushë, është momenti më i keq, por shpesh ndodh që italianët e stolit janë më mirë se ata që luajnë titullarë në klubet e tyre.

Megjithatë, lojtarët kanë nevojë të luajnë, sidomos të rinjtë. Duhet më shumë kurajë dhe shpresojmë që me kalimin e kohës të gjejnë më shumë hapësira”, – ka theksuar trajneri i Italisë, Roberto Mançini, për “Domenica Sportiva”. Ai e sheh si problem faktin që ka parë shumë ndeshje dhe pak italianë në fushë.

Italia synon të hapë një cikël të ri dhe të ringrihet sa më shpejt, pas mungesës së madhe në Botërorin e Rusisë. Dhe për trajnerin trajnerin Mançini detyra është shumë e vështirë, aq me tepër kur Italia nuk ka një brez të spikatur futbollistësh aktualisht.