Ndeshja miqësore midis Anglisë dhe Zvicrës, e cila do të luhet në stadiumin King Power të Leicester, për njëzet e pesë sekonda, që korrespondojnë pak a shumë me hyrjen në fushë të dy ekipeve, do të transmetohet bardh dhe zi. Lajmi është raportuar nga Mirror.
Në fakt bëhet fjalë për një arsye madhore. Njëzet e pesë sekondat bardhezi do të përdoren për të festuar fushatën Kick It Out, që lufton racizmin në futboll dhe që në vitin 2018 bën 25 vjet. Një vendim simbolik, që synon të nënvizojë se si gjatë një shekulli është bërë shumë pak kundër këtij fenomeni të trishtuar.
