Futbollisti famshëm me origjinë nga Kosova, Labinot Harbuzi, ka ndërruar jetë në moshën 32-vjeçare.
Lajmi është konfirmuar nga gazeta suedeze aftonbladet.se. 32-vjeçari ka ndërruar jetë rreth orës 10:30 në mëngjesin e ditës së sotme.
Sipas ‘Aftonbladet.se’, lojtari nga Peja ndërroi jetë pas një goditje në zemër. Me gjithë ndihmën e shpejtë në vendin e ngjarjes, ai nuk ka mundur t’ia dalë.
Harbuzi ishte pjesë e gjigantit holandez Feyeenoord, si dhe skuadrave të tjera si Genclerberligi, Manisaspor, Malmo e Syrianska.
Së fundmi pejani ka qenë pjesë e futbollit të Malajzisë ku u aktivizua me klubin Melaka United. Gjatë karrierës së tij, Harbuzi ka luajtur edhe për grupmoshat e Suedisë.
