Portugezi Cristiano Ronaldo është mbreti i rrjeteve sociale dhe jo vetëm në fushën e sportit, por edhe mes emrave të njohur të planetit.

Ky përfundim erdhi falë një sondazhi të bërë nga KPMG.

Sipas rezultatit të kësaj agjencie, portugezi i Juves rezulton të jetë personazhi më me influencë në botë. Më shumë se Messi, Papa Françesku dhe Donald Trump.

Në botën e futbollit, CR7 numëron rreth 340 milionë ndjekës në Facebook, Instagram dhe Twitter, kundrejt vetëm 205milionë ndjekësve të Neymar dhe 189milionë ndjekësve të Messi-t.

Në nivel sportistësh të të gjitha fushave, 'diva e futbollit' është edhe më superior, pasi i pari nga sportet e tjera është Le Bron James, i cili ka vetëm 106milionë ndjekës.

E kanë të pamundur të krahasohen me Ronaldon edhe njerëz të tjerë të famshëm, jashtë fushës së sportit.

Kështu, Justin Bieber dhe Taylor Sëift kanë vetëm 300 milionë fansa, ndërsa Barack Obama ndalon në 176milionë, i ndjekur nga Trump dhe Papa, të cilët janë shumë larg, me vetëm 90 dhe 11milionë ndjekës.

Me pak fjalë, i pamposhtur?

Mbase jo, sepse sipas një postimi që mban firmën e Instagram, 'Topi i Artë' është i treti në klasifikim, pas Kylie Jenner dhe Selena Gomez në një klasifikim të veçantë, i cili ka parasysh përfitimet ekonomike të çdo postimi fotografik: 750 mijë dollarë kundër 800 mijë të Gomez-it dhe 1 milionëshit të Jenner.