Dhjetëra persona kanë mbetur të plagosur në një stacion metroje në Romë.

Tifozat rus të skuadrës së futbollit CSKA Moska kanë shembur shkallën lëvizëse të metrosë së linjës A në stacionin Republika, ndërsa po udhëtonin drejt stadiumit Olimpiko të Romës, ku në ora 21:00 do të zhvillohet takimi i futbollit për Champions League mes skuadrave Romës dhe CSKA Moska.

Sipas informacioneve gjithsej janë rreth 30 të plagosur, 20 prej të cilëve tifozë rus. 17 të plagosur ndodhen të shtruar në spital, 5 prej të cilëve në gjendje të rëndë por jashtë rrezikut për jetën.Në vendngjarje ndodhen skuadrat e policisë dhe ndihmës mjekësore. 6 prej të plagosurve ndodhen ende të bllokuar  në strukturën e shembur të shkallës lëvizëse.

Dëshmitarët rrëfejnë se është dëgjuar një zhurmë e fortë e gjithçka ka ndodhur shumë shpejt.