Juventusi ka arritur ta transferojë Martin Caceres, i cili po bëhet pjesë e “Zonjës së Vjetër” për të tretën herë në karrierën e tij.
Sky Sport Italia, ka raportuar se uruguaiani ka nënshkruar kontratë me bardhezinjtë, kurse Medhi Benatia pritet të largohet, pasi do t’i bashkohet klubit nga Katari, Al-Duhail, transmeton Gazeta Express.
Juventusi thuhet se i ka paguar Lazios 600 mijë euro për Caceres.
31-vjeçari u bë pjesë e Juventusit për herë të parë në vitin 2009, ku qëndroi vetëm një vit si i huazuar nga Barcelona, pastaj u kthye përsëri në Torino në vitin 2012, ku qëndroi për katër vjet, dhe tani për herë të tretë pritet të vishet përsëri me fanellën e kampionëve të Italisë.
