Hatem Ben Arfa në fillim të muajit prill me anë të një postimi në rrjetet sociale “festoi” 1 vjetorin e qëndrimit të tij si i pa grumbulluar nga ekipi i Paris SG. Marrëdhëniet mes palëve janë si mos më keq, por lëvizja e fundit tregon se ato tashmë kanë shkuar në pikën zero.

Avokati Hatem Ben Arfa, Jean-Jacques Bertrand, tha për radio “RMC Sport”, se ai ka hedhur në gjyq klubin e Paris Saint-Germain për pagat e pa dhëna për lojtarin e tij, kur ai mungoi gjatë fazës përgatitore në Doha të Katarit.

Bertrand tha se Ben Arfa u gjobit me më shumë se 100 mijë euro, pavarësisht se kishte një raport mjekësore që vërtetonte se probleme me stomakun kur e lejonin të udhëtonte me ekipin.

“Hatem tregoi arsyen e mungesës së tij në Doha, përfshi edhe një kontroll mjekësor që kishte bërë, por klubi nuk e mori parasysh dhe pasi e gjobiti me 100 mijë euro i hoqi pagën e dy ditëve dhe nuk i dha shpërblimin që i takonte ashtu si të gjithë lojtarëve të tjerë. Kjo është haptazi një padrejtësi dhe gjykata do të vendosë,” – tha Bertrand.