Andres Iniesta, “maestro” i futbollit spanjoll ishte padyshim një nga protagonistët kryesorë të mbrëmjes së djeshme, ku Barcelona fitoi Kupën e Mbretit kundër Sevilllia-s.

Ky trofe është ndër të fundit në karrierën e tij me katalanasit, pasi spanjolli ka njoftuar se në fund të sezonit do të largohet nga “Cam Nou”.

Paraqitje në “Wanda Metropolitano” mes 70 mijë tifozësh, padyshim ishte një nga më të bukurat e karrierës së tij.

Pak pasi shënoi golin brilant trajneri vendosi ta zëvendësonte, duke futur në lojë Andre Gomes në vendin e tij. Por ky moment u shoqërua me duatrokitje dhe ovacione të gjata nga të dy tifozëritë, pasi një figurë si Iniesta padiskutim që ka edhe rrespektin e Sevillia-s.

Iniesta e përjetoi shumë këtë dhe u pa teksa imbusheshin sytë me lot. Edhe gjatë kohës që qëndroi në stol Iniesta ishte i mallëngjyer për atë që po përgatitet të lërë pas.