Mark Luliano trajneri i Partizanit i shkarkuar 5 muaj më parë si shkak i rezultateve të dobta, ka nënshkruar një tjetër kontratë, këtë herë në “Seria A” me Udinezen.

Ish-tekniku i partizanit do të ketë pozicionin e asistentit të trajnerit të parë, Igor Tudor. Një rikthim që lidhet edhe me miqësinë që Iuliano ka me Tudor, me të cilin ka luajtur përkrah te Juventusi. Dyshja e ish-lojtarëve bardhezi fitoi garën me Stramaçionin, që dukej i avantazhuar për një tjetër aventurë në stolin e skuadrës friuliane.

Ky emërim i sapomarrë është padyshim hapi më i madh në karrierën si trajner për Lulianon, që përpara se të drejtonte Partizanin në Kategorinë Superiore kishte punuar, pa arritur suksese, përkundrazi duke u larguar vetëm në harkun e pak muajve te Latina në Serinë B dhe Como në kategorinë e tretë italiane.

Edhe aventura që pati në Shqipëri ishte larg pritshmërive. Nga emërimi në fillim të këtij sezoni, gjatë muajit korrik, Luliano punoi vetëm katër muaj me të kuqtë.