Arbitri që gjykoi takimin Real-Juventus pritet që të jetë drejtues i një finaljeje në Angli dhe është ajo e FA Cup, Mancheter United-Chelsea.
Anglezi Michael Oliver është sulmuar shumë kohëve të fundit për shkak të një penalltie të diskutuar në fund të ndeshjes për Real Madridin në çerekfinale të Ligës së Kampionëve kundër Juventusit.
Oliver po ashtu largoi me të kuq edhe portierin juventin, Buffon.
“Ishin disa ditë shumë të këqija. Por, ishte mirë sepse shumë njerëz, si brenda lojës ashtu edhe jashtë me kanë dhënë mbështetjen e tyre. Kishte edhe fyerje që me lënduan shumë, normalisht”, u shpreh Oliver për faqen zyrtare të Football Association (FA).
Pas këtij takimi, FA ja ka besuar Oliverit gjykimin e finales së FA Cup, ku ai do të ndihmohet nga asistentët Lee Betts dhe Ian Hussin, me Lee Mason si gjyqtar i katërt.
