Banorët tek Unaza e Re janë mbledhur sërish pasditen e sotme për të protestuar për mbrojtjen e shtëpive dhe pronave të tyre. Banorët kanë bllokuar rrugën kryesore dhe shprehen se banesat i kanë të ndërtuara me gjak, ndërsa sipas tyre policia po i provokon çdo ditë.
“Do e vazhdojmë protestën deri në fund dhe shtëpitë nuk i dorëzojmë. Na kanë hequr dritat dhe në një zonë edhe ujin. Do të vazhdojmë, nuk tërhiqemi. Ne kemi mbështetjen e banorëve sepse kërkojmë shtëpitë tona dhe nuk i nxjerrim fëmijët jashtë. Në mbështetje të banorëve janë edhe deputetë të opozitës. Banorët kanë theksuar se nuk kanë ndërmend të heqin dorë nga protesta pa ju dhënë e drejta e tyre më parë.