Popullsia: Kuba është ishulli më i madh në Karaibe si për nga madhësia edhe nga popullësia, afërsisht ka 11.5 milionë njerëz. Kryeqyteti ëshët Havana.
Paratë: Ka një sistem të dyfishtë të monedhës një që paraqet pëson me vlerë 4 cent dhe një tjetër që është afërsisht një dollar. Sistemi u krijua për të përdorur ‘’ paratë kombëtare” më pak të vlefshme” për të izoluar tregun e brendshëm egalitar dhe shtetëror, ndërsa tregtia me jashtë bëhet me “ pesos të konvertueshme”. Presidenti Raul Castro bëri thirrje për eleminimin e monedhave të dyfishta që nga fillimi i presidencës së tij, por nuk u realizua.
Qeveria: Dega ekzekutive është në duart e një kryetari të Këshillit të Shtetit i cili zgjidhet nga Asambleja Kombëtare e Pushtetit Popullor, Parlamenti. Këtë javë, legjislatura do të zgjedhë një pasardhës të Kastros, i cili e mori pushtetin në dorëzim nga vëllai i tij Fidel në vitin 2006 në mënyrë të përkohshme dhe zyrtarisht u bë president në 2008. Partia Komuniste e Kubës është e vetmja parti politike ligjore dhe mbikëqyr shtetin socialist sipas Kushtetutës. Raul Castro do të mbetet kreu i partisë edhe pas largimit nga presidenca.
HISTORIKU: Ishulli fitoi pavarësinë e tij nga Spanja në 1899 me ndërhyrjen ushtarake amerikane, por mbeti nën pushtimin amerikan derisa u bë një republikë më 1902. Fidel dhe Raul Castro ndërmorën një revolucion të suksesshëm që rrëzoi diktatorin Fulgencio Batista në vitin 1959. SHBA dhe Kuba rikthyen marrëdhëniet diplomatike në 2014 pas dekadave të armiqësisë dhe filloi një proces të marrëdhënieve më të mira por që ka ngecur nga qeverisja e Presidentit Donald Trump.
Ekonomia: Kuba ka një sistem të gjerë të sigurimeve shoqërore që siguron kujdes shëndetësor falas si dhe arsimim, por ekonomia e saj është akoma duke luftuar për t’u zhvilluar. Ajo është kryesisht e varur nga 5 milionë turistë në vit, nga pagat e mjekëve kubanez dhe specialistëve që punojnë në vendet e tjera. Vendi ka marrë subvencione nga Venezuela që arrijnë deri në 6 miliardë dollarë në vit, por ai vend po pëson një kolaps ekonomik.
