Në këto 6 vite të qeverisjes së Kokainës me bandën “Rilindje”, nuk ka absolutisht asnjë punë publike asnjë investitor të huaj, asnjë rritje pagash apo pensionesh, simboli i shëndetësisë ishte ai koteci në Gramsh dhe ndërkohë ka vetëm kokainë, vjedhje, vrasje, sërisht kokainë, vrasje vjedhje.
Nuk ka ditë ku të mos ketë lajme për vrasje, trafik kokaine, por një hajdut tjetër është tashmë në vendin e parë si pjesë e çetës së Rilindjes dhe jo se s’ka qenë i tillë. Por fakti që trafiku i kanabisit dhe kokainës arriti përmasa planetarë duhej menjëherë të ndizej lavatriçja e bashkisë për pastrimin tyre.
Çifti Veliaj-Rama në përmasat e vjedhjes së tyre kanë kapërcyer çdo lloj parashikimi, por kanë kapërcyer dhe çdo masë, sepse për punët e tyre janë vrarë dhe njerëz.
“Çifti i lumtur” Veliaj–Rama para dy ditësh deklaruan vjedhjen e radhës siç ishte Piramida, por ndërkohë nga burime që nuk duan të identifikohen brenda PS, ka një të dhënë shumë interesante se përse Rama i është lëshuar rektorit Mynyr Koni bashkë me vogëlushen e MASR, dhe arsyeja është një dhe vetëm një: Kopshti Botanik.
Shumë të rralla po mbeten hapësirat ku mund të marrësh frymë në Tiranë dhe që mos të shoh syri beton. Pas lejeve të kaparosura dhe të kripura të vrasësit të Ardit Gjoklajt pas 31 milionë m2 ndërtim deri më tani dëgjuam në Kongres klithmën e çiftit Rama-Veliaj dhe për Muzeun Kombëtar, e për shumë hapësira të tjera që ia kanë vënë syrin duke ia vënë zjarrin apo jo.
Por kishte një pacipësi, një perfiditet, në sulmin ndaj rektorit dhe nuk po kuptohej realisht se si një personaliet si Koni me një kubaturë reale akademike nuk kishte pse t’i turrej i gjithë lukunia e hienave të Rilindjes. A thua e kishte ky fajin për atë ligj paçavure që banda e Rilindjes bëri dhe që nuk u apliku as sot e kësaj dite. Dhe arsyeja doli që ministresha çupëlinë e përgatitur mirë nga ustai, e kthyen sulmin ndaj rektorit në një kryefjalë të ditës për një arsye dhe vetëm një; Vjedhja dhe vetëm vjedhja.
Kjo bandë kur bëhet fjalë për rrëmbimin e hapësirave publike dhe shndërrimin e tyre në lavatrice të pastrimit të parave e të përfitimeve marramendëse nuk njeh arsye logjikë dhe pak nga pak Tirana po shkatërrohet e gjitha.
