Ish-kryeministri Sali Berisha ka reaguar me anë të një statusi në “Facebook”, menjëherë pas publikimit të pamjeve ku avionë luftarakë serb fluturonin ulët mbi Preshevë.

Ai e quan këtë një përpjekje të hapur konflikti dhe një provokim të ulët  të presidentit të Serbisë Aleksandër Vuçiç.

Berisha shton se mbi të gjitha ky akt shkel në mënyrë flagrante marrëveshjen e NATO-s me Beogradin për Luginën e Preshevës.

Në mbyllje të reagimit të tij, ai u bën thirrje shqiptarëve të mos bien pre e provokimeve të turpshme të Beogradit.