Avokati Spartak Ngjela ka reagur në facebook, pas protestave të fundit të qytetarëve që kërkojnë lirimin e protestuesve të djeshëm në Rrugën e Kombit.
Ai është shprehur se Rama duhet të dorëhiqet nëse protestuesit vijojnë me protesta pa dhunë në Rrugën e Kombit dhe se kjo gjë do të sjellë ndryshimin e menjëheshëm financiar të qeverisë shqiptare.
Zoti Ngjela e ka cilësuar si turp historik vendosjen e një tarife për Rrugën e kombit dhe shprehet se Amerika duhet t’I kërkojë dorëheqjen një Kryeministri ‘të përbuzur nga populli i tij’’.
Postimi i plotë
Nëse qytetarët do t'i vijojnë protestat për Rrugën e Kombit, por pa dhunë, duhet të dorëhiqet Edi Rama.
Socialistët dhe të gjithë shqiptarët që mbrojnë reformat, duhet të kuptojmë një gjë: largimi i Edi Ramës si kryeministër zhbllokon embargon financiare që Berlini i ka vënë këtij deri në implementimin e Reformës në Dejtësi.
Socialistët duhet urgjent të vendosin kryeministrin e tyre që ia kërkon Uashingtoni dhe Berlini.
Rrëzimi i Ramës, shpëton shqiptarët; edhe Rrugën e Kombit se, mungesa në para që ka sot shteti shqiptat, dhe që i vjen nga bllokimi financiar kundër tij - ndryshon menjëherë gjendjen financiare të qeverisë shqiptare dhe lejon qarkullimin e lirë në Rrugën e Kombit.
Në këto momente këtë çështje e ka në dorë maxhoranca qeverisëse; më vonë nuk dihet se çfarë mund të ndodhë .
Politika amerikanë duhet të jetë e para ajo që duhet t'i kërkojë dorëheqjen një kryeministri të përbuzur nga populli i vet, që kuptohet se është tërësisht kundër Reformës në Drejtësi.
Ka edhe diçka: si mund t'i vihet tarifë Rrugës së Kombit. !!!
Është një turp historik.
