Një nga porositë e kreut të PD Lulzim Basha në mbledhjen e sotme me Grupit Parlamentar të PD, lidhur me protestën e 26 majit është edhe shpërndarja e fletëpalosjeve me mesazhe kundër qeverisë Rama.
Siç duket edhe nga fotot, në këto fletëpalosje ka mesazhe që trajtojnë krimin e organizuar dhe “kokat” e këtyre organizatave. Po ashtu, në fletëpalosje shkruhet edhe qëllimi i protestës, që në thelb ka ringjalljen e shpresës për shqiptarët.
Ndërkohë nesër në Kuvend pritet të zhvillohet në seancë e pazakonte, pasi deputetët e PD do të bllokojnë foltoren pas fjalës së Bashës në shenjë proteste për shkarkimin e ministrit të Brendshëm, Fatmir Xhafaj.
