Ai nuk ndan momente private në rrjetet sociale, por bashkëshortja e tij Monica Cana, po! Ish-kapiteni i Kombëtares, Lorik Cana, e shpreh dashurinë e tij për familjen jashtë “Instagram”-it apo “Facebook”-ut, duke e mbajtur sa më larg vëmendjes së publikut.

Por gruaja e tij italiane, me të cilën kurorëzoi dashurinë më 27 qershor të 2014-s, bën të kundërtën.

Monica ndan shpesh detaje nga jeta personale, por imazhi i çiftit duke u puthur është një postim i rrallë nga ana e saj.

Mbrëmjen e së enjtes, ajo publikoi në “InstaStory” një çast dashurie. Të ndodhur para pasqyrës, ata kanë shkëmbyer një puthje dhe Monica vendosi t’i bënte një foto këtij momenti.

Çifti u bë prindër për herë të parë në shtator të 2015-s, pasi mirëpriti djalin Bojken.