Juventusi i ka pranuar tri gola në dy ndeshje radhazi për herë të parë që prej vitit 2011. Bardhezinjtë nuk e kanë përjetuar një ecuri të tillë që prej vitit 2011, kur udhëhiqeshin nga Gigi Del Neri.

Juve u mposht 3-0 nga Atalanta në çerekfinale të Kupës së Italisë në mesjavë, dhe pastaj barazoi 3-3 kundër Parmës në Serie A të shtunën mbrëma, transmeton Gazeta Express.

Hera e fundit kur “Zonja e vjetër” i pranoi të paktën tri gola në dy ndeshje radhazi ishte vitit 2011.

Në janar të 2011-es, Juve u mposht 4-1 në shtëpi nga Parma në Serie A. Vetëm tri ditë më vonë, u mund 3-0 nga Napoli.