Babai i sulmuesit argjentinas të Juventusit, Jorge Higuain ka folur në lidhje me ndeshjen e së martës, mes Juventusit dhe Real Madridit, në Torino, e rëndësishme për çerekfinalet e Ligës së Kampionëve. “Është e qartë se lojtarët e nivelit të lartë janë të nevojshëm më shumë dhe Gonzalo është në këtë linjë.

Dy muaj më parë ishin shumë kritikë ndaj Cristiano Ronaldos, Benzema është kritikuar vazhdimisht. Për 10 vite, në të cilat Messi dhe Ronaldo po dominojnë, “9” e skuadrave të mëdha në Europë janë Lewandowski, Higuain, Luis Suarez, Cavani dhe Benzema. Ata janë kritikuar vazhdimisht, por duhet të jetojnë me këtë realitet” shprehet babai i Gonzales.

Në lidhje me largimin e “Pipita” nga Real Madridi në vitin 2013, babai i sulmuesit argjentinas shton: “Ato janë gjëra të presidentëve të ditës. Me siguri nuk jemi ndarë në mënyrë shumë miqësore. Unë mendoj se Karim, Cristiano dhe Gonzalo kishin bërë shumë të tre së bashku dhe ishin në ballë të sukseseve të Real Madridit”.