Presidenti i asamblesë parlamentare te OSBE-se George Tsereteli, ka thënë se qeveria duhet t’i dëgjojë kritikat e opozitës gjatë protestave dhe të veprojë për çështjet e rëndësishme.

Në një intervistë për News24 ai u shpreh se e vlerëson protestën e së dielës si paqësore dhe pa veprime të dhunshme.

“Protesta shkoi shumë paqësore, pa dhunë. Kur bëhen protesta, me kritika të opozitës, qeveria duhet të dëgjojë gjërat e rëndësishme dhe të veprojë lidhur me to. Të mos i neglizhojnë kritikat që vijnë nga opozita për çështje të caktuara” u shpreh Tsereteli.

Gjithashtu George Tsereteli shtoi se ishte takuar me partitë opozitare dhe ishte njohur më kritikat e tyre ndaj qeverisë. Presidenti i asamblesë së OSBE-së u shpreh se e rëndësishme për Shqipërinë është që të ecet përpara me reformat dhe të ketë më pak konfrontim mes partive politike.

“Ne nuk jemi gjykatës, nuk mund të vendosim për çështjet. Ne mund ta vlerësojmë situatën nga informacionet e ndryshme që na vijnë dhe mendojmë se në Shqipëri ka probleme dhe qeveria është në dijeni për to. Ajo çfarë është e nevojshme në këtë fazë, është të ecet përpara me reformat, duhet vepruar më shpjet, të ketë më pak konfrontim dhe më shumë bashkëpunim mes forcave politike”- u shpreh George Tsereteli.